Ísak Pálmason

Lystisemdir sumarsins

2009-01-07T18:08:00.002Z

Ég sakna sumarsins, það er svo dimmt úti að ég hef ekki orku í að halda mér vakandi. Ég sofna yfir daginn og ég sef allar nætur og helst eins lengi og ég get. Ég sef í skólanum (hlutur sem ég hef aldrei gert áður).

En núna verð ég að taka mig á, svo ég hellist ekki í alvarlegt þunglyndi. Borða hollari mat og hreyfa mig reglulega. Kannski ég fari líka að stunda ræktina -nei við skulum ekki gera of mikið svona í byrjun til að ofgera mér ekki.

Ég sakna jólanna. Þau eru farin. En ég ætla samt að reyna að halda að hluta til í þau, með því að taka ekki niður jólaljósin.

Það er kominn tími á að fara að læra. Best að byrja á greinargerðinni sem ég á að skila í fyrramálið.

Hann er svo mikil dúlla...

2008-11-25T22:30:00.001Z

...hann Pétur Jóhann, ef ég myndi skipta um símafyrirtæki, væri það bara út af honum:

Kreppubrúnka

2008-11-12T22:17:00.002Z

Árshátíð Hagkaupa er yfirstaðin og næst er það '85 ball MS þar sem við MS-ingar ferðumst aftur í tíma og umbreytum okkur í 80's tískuna. Ég get ekki beðið.

Af myndunum sem voru teknar af mér á árshátíðinni að dæma, þarf, já þarf ég bókstaflega að fara að fara í ljós. Get reyndar skýlt mér á bakvið það að við í Skeifunni vorum með bleikt þema og þess vegna hafi ég verið svona bleikur í framan. En núna verður að gera eitthvað róttækt, og það duga sko engin vettlingatök. Strax eftir helgina verður maður að fara að kaupa sér ljósakort og brúnkukrems dúnk.

En ég stend ennþá í þeirri trúa að kreppan sé ekki komin. Enda er ég hagfræðinemi og skilgreining hagfræðinnar á kreppu er sú að kreppa sé botninn á niðursveiflunni. Því miður, er botninum ekki náð og sorglegt er að sjá, hvað við gerum lítið í þessu, enda getur enginn sagt með vissu fyrir um, hvað sé hægt að gera né hvernig hlutirnir skulu framkvæmdir.

hvað með krónuna?

2008-10-24T20:09:00.002Z

Ég var að spá, ætli nafni verslunarinnar Krónunnar verði breytt ef við tökum upp nýjan gjaldmiðil.

Ég er í geðveiku spái stuði núna, eins og til dæmis það hversu ógeðslega hallærislegt fólk var á Spice Girls tímabilinu:

en ég hlakka til 85 vikunnar í MS...get eiginlega ekki beðið, útvarp mottan og allt þetta...

ég held ég klæði mig samt ekkert upp...kannski hlusti bara á Herbert Guðmundsson og aðra 80's tónlist :D

Gaga

2008-06-05T22:06:00.003Z

Stundum er ég ekki í lagi, eða það finnst fólkinu í kringum mig...

Í Hagkaup[um](inns. ÍP. Hagkaup er víst notað í dag í fleirtölu, en ekki eintölu eins og áður) notum við sérstakt límband sem að er með lím á báðum hliðum til að hengja upp verðmerkingaskilti. Ég var að búa til eitt slíkt í morgun og bað tölvuumsjónarkonuna Öllu (Ömmu) að rétta mér "tveggja hliða límband". Amma skildi ekki alveg hvað ég var að segja svo ég varð að endurtaka mig nokkrum sinnum áður en hún náði því og þá voru allir farnir að hlæja að mér. Héðan í frá veður líklega alltaf talað um "tveggja hliða límband" jafnvel þó að öll límbönd hafi mér vitanlega bara tvær hliðar.

Já, ekki er öll vitleysan eins, því að ég þegar sneiddur ostur var að ryðja sér til rúms á íslenska osta markaðnum, sagði ég við einhvern hversu þægilegur svona einnotaostur væri.

Þangað til næst...

Örsaga

2008-05-29T21:40:00.002Z

Það var lítið að gera í vinnunni í dag. Vörur úr ný útkomnu Hagkaupsblaði að mestu komnar upp í útstillingar, fyrir utan þær sem enn voru í pöntun.

Eins og venja er koma vörurnar frá Aðföngum upp úr kaffinu, þó svo að þeir gárungarnir hafi fyrirskipað komu þeirra upp úr tvö. Það passaði í dag, og að loknu kaffinu dreif ég mig niður að skoða hvort ég hefði fengið eitthvað af vörunum sem átti eftir að koma upp.

Ég var bara að stússast þarna niðri og færa til bretti þarna niðri til að sjá hvað væri á þeim. Afgreiðslunni á lagernum lokaði klukkan þrjú og öryggisvörðurinn var kominn út að þrífa hurðirnar með engum smá látum. Eftir smá stund gafst ég upp á að leita og ákvað að fara bara upp, en þá fóru lætin í öryggisverðinum að stigmagnast og áður en ég vissi af lék allt á reiðiskjálfi, gólfið á endilöngum lagernum lék í bylgjum sem og loftið. Rykið af efri hillunum þyrlaðist niður.

Ég skeit næstum því í buxurnar af hræðslu. Þetta var alveg eins og þegar að hús í bíómyndum hrynja. Og ég í ótta mínum stökk af stað upp úr kjallaranum, á hraða sem ekki hefur sést áður í Hagkaup.

Ekki fyrir viðkvæma

2008-05-27T21:07:00.002Z

Helvítis djöfulsins andskotans rassa-, skíta-, ógeðs vesen

Hvað haldiði að hafi skeð...

HJÓLIÐ MITT VAR EYÐILAGT!!!!!

Mig langar að fara að gráta

Pirringur dauðans. Ég keypti þetta hjól fyrir verðlaunin frá Ísfirðingafélaginu sem ég fékk í útskriftinni í fyrra. Vá hvað ég er fúll. Ég geymdi það alltaf á brúnni fyrir ofan Hagkaup svo ég þyrfti ekki að fara geðveikt að taka langan krók til að komast í vinnuna, og ég geymdi það á stað þar sem að ég gæti séð það frá kaffistofunni og reykingafólkið í Hagkaup sá það líka frá staðnum þar sem þau reykja.

En núna hefur einhver helv**** hálfviti þurft endilega að fullnægja eyðileggingar þörf sinni og auðvitað var það ég sem lenti fyrir barðinu á því. Sá sem gerði þetta (eða sú) hefur greinilega hjólað eða sparkað í hjólið af fullum krafti því að skiptingin sem skiptir um gír var beygluð, en samt var hún nær handriðinu...

Það þýðir víst lítið að velta sér upp úr þessu, en maður getur svo sannarlega verið gáfaður eftir á :S

Hlutverkaspenna

2008-05-11T22:11:00.003Z

Fermingarveislur er eitt það skemmtilegasta sem ég veit, og rétt í þessu var ég að koma heim úr einni í Ólafsvík.

Það sem er svo skemmtilegt er að hitta allt fólkið sitt og kynnast betur. En það er samt munur á hvernig maður hagar sér í fermingum, eftir því hvort það er í mömmu fjölskyldu eða pabba.

Í dag fermdist Katrín Sara systur dóttir pabba. Í veislunni á eftir léku meðlimir ættarinnar á alls oddi og ,,skotleyfi" var gefið á alla fjölskyldumeðlimi. Venjulega er mikið hlegið og gaman í þessum fermingarveislum.

Aftur á móti er móðurfjölskyldan mun alvarlegri og þar tala allir á rólegu nótunum. En þessar veislur eru venjulega listrænni, enda mikið hæfileika fólk þar á ferð. Meðal annars má nefna að innan fjölskyldunnar er starfandi söngflokkurinn Bjarkargötu sextettinn, sem kemur saman á ættarmótum og treður upp. Ég er meðlimur í flokknum og einn af stjórnendum hans og stofnandi.

Ég hef reynt ýmislegt fyrir mér og auðvitað hef ég farið í köfun :D

Tek ég fríkið...

2008-05-10T22:54:00.002Z

...fríka út.

Ég er kominn með æði...ég er alltaf með eitthvað æði. Ég fæ æði fyrir einhverju, með jöfnu milli bili og nauðga því svo að ég verða að taka smá pásu...

Núna er tónlistaræðið enn og aftur byrjað að gera vart við sig. Ég var að taka iPodinn fram úr skápnum sem hann hefur verið í geymslu í síðastliðið árið og núna er ég að hlaða hann...

Mannakorn er æðisleg hljómsveit, en þeir fluttu þetta yndislega íslenska lag á sínum tíma:

GARÚN
(Magnús Eiríksson)
Hratt er riðið heim um hjarn,
torfbærinn í tunglsljósinu klúkir.
Draugalegur, dökkklæddur
Myrkárdjákni á hesti sínum húkir.

Tunglið hægt um himinn líður,
dauður maður hesti ríður,
Garún, Garún.

Höggin falla á dyrnar senn,
kominn er ég til þín enn, ó Garún.
Öll mín ást í lífinu sem ég elskaði og tilbað
alltaf var hún.

Komdu með mér út að ríða,
lengi hef ég þurft að bíða,
Garún, Garún.

Tvímennt er úr hlaðinu,
út að hálfu vaðinu smeyk er hún.
Djákninn ríður ástarsjúkur,
holar tóftir, berar kjúkur, Garún.

Tunglið hægt um himinn líður,
dauður maður hesti ríður,
Garún, Garún.

Góða nótt...

2008-05-05T22:07:00.002Z

Reyk leggur yfir byggðina í hlíðum Réttarholts, Háaleitis og yfir Vogahverfi. Eldur er laus í húsi í Vogunum, nálægt Sæbrautinni.

Reykjarmökkurinn liggur í vestur, og þegar við vorum stödd í Lágmúlanum fundum við lyktina fyrst. Á leiðinni heim og tókum við smá krók niður á Sæbraut þaðan sem við sáum eldtungurnar teygja sig út úr húsinu. Vonandi að enginn hafi meiðst.

Löngun

2008-05-02T15:19:00.002Z

Skólinn er búinn hjá mér...fyrsta, síðasta og eina lokaprófið mitt á þessari önn var í morgun. Núna er bara að bíða eftir einkunninni úr því prófi, sem ég fæ svo eftir þrjár vikur :D

Jarðfræðiprófið í morgun, var ekki bara eitthvað próf. Núna, ef ég fell ekki, er ég orðinn stúdent í jarðfræði og búinn með 1. bekk Menntaskólans við Sund. Það er áfangi sem ekki allir hafa náð í fyrsta skipti ;D

Prófið gekk samt skítsæmilega, en samt var ég ekki ánægður með það. Til dæmis var ég búinn að læra fimm undirstöðuatriði kortagerðar (hljómar leiðinlegt, en er samt mjög gagnlegt og skemmtilegt, -eða kannski bara gagnlegt). Síðan þegar ég var kominn að spurningunni í prófinu, gat ég ekki munað fimmta atriðið -ohh djöfulsins gleymska.

En núna tekur alvaran við, ég er að hefja annað sumarið mitt sem starfsmaður Hagkaupa. Byrja strax klukkan átta á mánudaginn, fékk loksins að vita það í dag :D

Í góða veðrinu síðastliðna daga hef ég ósjaldan fengið útlanda löngun, brjálæðislega löngun til að fara út á flugvöll og kaupa mér flugmiða til Miðjarðarhafs og taka með tjald og gista í.

En það verður ekki í sumar held ég.

Síðan var ég að fatta að í ár er hlaupaár, sem þýðir bara eitt. Að fjórir gengur upp í ártalið og að fyrstu helgina í júlí í sumar er Flæðareyrarhátíðin góða...

Hvað er langt síðan við byrjuðum að skipuleggja að fara og djamma feitt þar í sumar HalldórSm., KatrínFr. og ElínSv. hummm...eru það ekki þrjú ár :D haha:D

Mig langar svo að fara, get eiginlega ekki beðið eftir því. En það er bara kannski. Ég veit ekki hvort ég fái frí, eða þori því :s þar sem að ég á víst engann rétt á að vera þarna. Er eiginlega bara einskonar innflytjandi.

Og talandi um innflytjendur. Um daginn voru fótboltastrákar, sem ég kannast við, að keppa í fótbolta. Það er ekki frásögu úr færandi, nema hvað að þeir eru 14 ára og nýfermdir. Í liðinu með þeim er strákur sem að á Asíska mömmu, en hefur alltaf búið á Íslandi og þekkir ekki annað en Ísland. Nema hvað að hann skoraði mark, og markmaðurinn öskraði: ,,Afhverju látiði grjóna helv**** skora mark". Auðvitað var rasistinn strax rekinn út af vellinum fyrir rasisma.

Hvað er að verða um þetta þjóðfélag, spyr sá sem ekki veit. En ég fór síðan að hugsa, það eru bara ekki allir jafn heppnir og ég, að hafa fengið að alast upp með krökkum sem eru af öðrum kynþætti en ég. Börn gera sér heldur ekki grein fyrir að einhver munur sé á þeim nema að helmingurinn, eru strákar og helmingur stelpur. Þau fatta ekki að sumir eru með svarta húð og aðrir gula.

Mikið að gera

2008-04-13T12:19:00.002Z

Ég mun ekki hafa tíma fyrir lífið fyrr en á næsta fimmtudag.

Þangað til mun ég vinna eins og hross í félagsfræðiritgerðinni og lesa fyrir lífsleikni "stúdents"próf...

þangað til...ekki trufla!

Sh-Boom

2008-04-07T13:23:00.002Z

Mávahlátur er yndisleg. Sh-boom minnir mig svo á hana, ég elska lagið.

Þegar ég var að leita að laginu á YouTube fann ég það klippt með atriðum úr Rocky Horror. Gaman af því, njótið vel :D

2008-03-25T19:49:00.003Z

vá hvað það var gaman á Aldrei fór ég suður...ég hef aldrei skemmt mér svona vel.

Það var virkilega gaman að troða sér í allri þvögunni, sérstaklega skemmtilegt að vera fremst og færast með þvögunni. Ef einn ákvað að færa sig, þá beygði öll þvagan.

Ég get svo svarið fyrir það að skálmirnar á buxunum mínum voru allar út í skóförum, því að þegar þvagan færðist þá varð fóturinn stundum eftir og þá þurftu sumir sem voru fyrir aftan mig bara að gjöra svo vel að stíga ofan á kálfana á mér til að hreinlega detta ekki.

Við Sandra Dís frænka vorum góð saman, við vorum að dansa við fullt af vinum hennar og allt í einu hvarf hún og ég var bara einn eftir með vinum hennar...haha það var gaman.

SSSól og Rottweiler stóðu upp úr hjá mér, það var geðveikt þegar allir voru farnir að dansa og syngja með þeim.

En allir sem ég hitti og dansaði við: Takk fyrir mig :D

Svo voru það skíðin, ég fór á skíði laugardag og á páskadag í geðveiku færi. Yndislegt að fá útrás í fjallaloftinu.

pirr

2008-03-19T21:23:00.002Z

ahhhh

ég held ég sé klofinn persónuleiki...fyrir fimm mínútum var ég í geðveikri gleði vímu yfir því að vera að fara á Ísafjörð, en nei...

Ég er pirraður núna, vegna þess að ég nenni ekki að gera neitt annað ákvað ég að deila þessu með ykkur...

...ég er pirraður yfir munnangrinu mínu

...ég er búinn að vera veikur síðan á laugardag

...samt var ég að vinna í dag og á laugardag og sunnudag

...ég lét veikindi mín bitna á samstarfsfólki mínu

...ég lét veikindin og minn innri pirring bitna á viðskiptavinum mínum

...ég fór fyrr heim

...ég nenni ekki að gera neitt af hlutunum sem ég ætti að vera að gera

...samt hlaðast verkefnin upp á meðan ég sit hérna og blogga (as we speak :Þ)

ætla að deila hérna mynd af Eddu Katrínu, sem er svo elskuleg að leyfa mér að sitja í til borgarinnar á næsta mánudag...eða er þetta ekki annars hún??

Ég get ekki beðið...

2008-03-19T20:41:00.005Z

Ég á bókað far til Ísafjarðar á föstudaginn...loksins kemst ég heim :D

Það er allt að verða tilbúið, búinn að kaupa mér nýja skíðaklossa, vaxinn upp úr hinum. Byrjaður að hugsa um hvað ég ætla að hafa með mér (skrifa minnislista).

En ég ber samt ekki sama hug til þessarar skíðaviku sem nú er hafin og þeirra sem áður voru. Ég man þegar það var troðfullt skíðasvæðið og röðin í Sandfellslyftuna náði niður í barnabrekkuna, og maður var fljótari að labba frá skálanum og upp í röðina við Sandfellið en að taka barna lyftuna, því röðin þar náði að skálanum.

Núna er stemmingin öðruvísi. Auðvitað eru nátttúrulega nýjir hlutir sem spila inn í, eins og síðustu ár hefur náttúrulega lítill snjór verið, og fólk virðist vera hætt að nenna að fara á skíði. Svo togar náttúrulega rokkhátíðin Aldrei fór ég suður fólkið af dalnum og ég held það nenni ekki að fara bæði á skíði og á tónleikana...

En ég vill gömlu skíðavikuna aftur. Þess vegna ætla ég að fara á skíði, taka þátt í furðufatadegi og njóta þess að vera frjáls og fá útrás fyrir adrenanlín þörf minni (sem reyndar er undir meðallagi, svo ég þarf rétt að halda mér í kellingabrekkunni). Ég ætla að fá mér pylsu og hlaupa eins og vitleysingur undir nammiregninu og vonandi verða allir með!

Sjáumst í
Tungudal...

Loksins

2008-03-08T12:53:00.002Z

Ég er loksins búinn að taka ákvörðun, ákvarðanir.

Ég skráði mig fyrir rest á Hagfræðikjörsviðið, tel að það verði skemmtilegt að kynnast fleiri greinum en félagsfræði og sögu.

Ég var líka svo heppinn í vikunni að það kom inn þetta ofurtilboð á flugfelag.is, besta vini mínum þessa stundina, og ég fékk far heim til Ísafjarðar á föstudaginn langa...það verður sko æði...ég ætla að njóta þess í botn, vonandi verður snjórinn ennþá og skíðasvæðið opið :D

Ég og maja ákváðum síðan að fara á Rocky Horror uppsetningu leikfélags MÍ á páskadagskvöld, ég sem var eiginlega búinn að afskrifa það að komast nokkurn tíman á sýninguna. Ég hef heyrt að hún sé feitt skemmtileg.

Ég kem síðan aftur til Reykjavíkur með Eddu Katrínu á annan í páskum :D

Ég fór í gærkvöldi og hitti vestanfarana frá Ísafjarðarbæ sem voru að koma á SamFés hátíðina til að hvetja hana Bryndísi sem ætlar að keppa fyrir hönd okkar Vestfirðinganna. Það var mjög gaman að hitta alla þessa krakka...enda skemmtilegur hópur.

Ég þarf að fara að læra...nóg af uppsöfnuðum verkefnum...

Gleði baka -uppskriftin

2008-02-27T13:40:00.004Z

10 dl.....gleði
12 bls....danska
10 m......snærisspotti
14 ml....hamingja
6 kg......heimalærdómur
.............ást á hnífsoddi

Blandið þurrefnunum saman í skál og hrærið saman.
Bætið hamingjunni hægt og rólega út í. Bakist við
funhita á opnum gleðineista.

Gangi ykkur vel....

Gráfíkju kex

2008-02-25T19:32:00.002Z

Ég var að enduruppgötva svolítið...

Hver man ekki eftir gráfíkju kexinu, umm það er uppáhaldskexið mitt. Ég hef ekki fengið svoleiðis í nokkur ár en svo mundi ég í síðustuviku eftir þessu æði og er núna búinn með tvo stóra kassa sem er í eru tveir bakkar...

"Go" Haukar

2008-02-24T11:51:00.003Z

,,stundum glymur hæst í tómri tunnu"

Ég er ánægðu með úrslitin í gærkvöldi. Lagið er flott og vonandi verða ekki gerðar miklar breytingar á atriðinu fyrir aðalkeppnina í Belgrad, og vonandi fá söngvararnir að syngja lagið áfram því að ég held þau séu verðugir keppendur fyrir Íslands hönd. Bæði eru þau Friðrik Ómar og Regína góðir söngvarar og þau verða án efa góð landkynning.

María Sigríður, vinkona mín, átti afmæli í gær og vill ég óska henni til hamingju með afmælið. Þú verður að afsaka Maja, ef þú lest þetta, þá var brjálað að gera hjá mér í gær og ég hafði ekki tíma fyrr en í gærkvöldi til að hringja í þig og óska þér til hamingju með afmælið :S... við heyrumst vonandi bara seinna.

Á eftir Sara er að keppa bikarúrslitaleik í körfubolta, þriðja árið í röð með Haukum. Þær mæta Grindavík í Höllinni klukkan 14:00, svo ég segi bara...
áfram Haukar

Guminn

2008-02-18T22:25:00.002Z

,,As you can see, there is a sea all around this island."

Ég skrapp í bíó á föstudagskvöldið síðastliðið. Ég skellti mér á nýjasta meistaraverk Baltasars Kormáks, Brúðgumann.

Þegar litið er til baka eru tveir karakterar sem koma sterkt upp úr, Milla leikin af Ilmi Kristjánsdóttur og Börkur leikinn af Vestfirðingnum Þresti Leó Gunnarssyni.

Í heildina litið stóðu allir sig vel og myndin er falleg og skemmtileg og hefur allt það sem góð kvikmynd á að hafa, eins og vel flestar íslenskar myndir. Enda trúi ég því að íslenskir kvikmyndagerðarmenn séu með þeim bestu í heimi, þó svo að alheimurinn hafi enn ekki uppgötvað þá að fullu.

Annars þá langar mig í sumarið...hef allt í einu óstöðvandi löngun í að fara út í móa berfættur, leggjast niður og borða hámenningarlegt Pik nik. Ég ætla því um leið og færi gefst að fara út í sveit og láta þennan draum minn rætast...

Gaga: Svaðilfarir námsmanna

2008-02-12T22:40:00.000Z

Þessa dagana eru þemadagar í MS. 1. bekkingar fóru í morgun á söguslóðir Eglu. Mig langar að segja í stuttu máli frá deginum.

Að lokinni skemmtilegri leiðsögn nútíma hljóðstokks [iPod inns. Nútímavæðing Íslenskunnar ehf] um Landnámssetrið í Borgarnesi hélt hópurinn í Rauðanes að skoða hvar Skalla-Grímur Kveld-Úlfsson hafði reist sér smiðju. Í Eglu segir að Skalla-Grímur hafi hvergi fengið hentugan stein í smiðjuna svo hann gerði sér lítið fyrir og réri út á Borgafjörðinn og sótti sér hentugan stein sem var svo stór að fjórir menn gátu loftað honum. Fjórir aflmenn úr mínum hóp gerðu heiðarlega tilraun til að lofta steininum en varð ekki kápan úr því klæðinu. Við kennum frostinu um því jörðin var frosinn og okkur var heldur ekkert sérstaklega heitt að standa þarna úti í rokinu.

Að lokinni annarri tilraun til að lofta steininum játuðum við okkur sigruð og ákváðum í staðinn að freista þess að finna fjársjóð Skalla-Gríms sem hann gróf í Krumskeldu. Við keyrðum upp Borgarfjörðinn að Hvítárbrúnni, en hvergi fundum við kelduna. Fararstjórarnir ákváðu að hætta leitinni og snúa til baka í Borgarnes.

Það reyndist afdrifarík ákvörðun að fara aðra leið til baka. Fara gamla þjóðveginn upp á þann nýja. Vegurinn hafði greinilega farið á flot og vatnið hafði frosið yfir veginum, en greinilega höfðu einhverjir farið þarna því spor voru í götunni svo bílstjórinn keyrði öruggur af stað inn á afleggjarann.

Við fundum að það varð þyngra og þyngra að keyra í gegnum klakann en svo byrjaði rútan allt í einu að halla. Við vorum komin út af veginum. Bílstjórinn stöðvaði rútuna og sendi alla út til að freista þess að létta bílinn og ná honum aftur upp á veg. Þegar hann bakkaði bílnum aftur fór hann bara enn lengra út af og þar sem hann staðnæmdist var eitt hjólið á lofti og rútan við það að velta.

Þá var send eftir okkur rúta úr Borgarnesi til að koma okkur þangað og önnur rúta var kölluð frá Reykjavík til að koma okkur til Borgarinnar.

Að lokum komumst við þó heilu og höldnu til okkar heima, þrátt fyrir að afturganga Skalla-Gríms hafi reynt að stöðva för okkar við Hvítárbrúnna.

Gott kvöld -óður til Maju

2008-02-10T22:00:00.000Z

Hamarshöggin dynja hér á heimili fjölskyldu minnar við Sogaveginn. Nýjir íbúar í kjallaranum að gera íbúðina klára til innflutnings, og pabbi að laga þvottahúsið niðri, næstum búinn reyndar.

Ég veit ekki, er þriggja orða setning sem ég spyr sjálfan mig svo oft. Hvaða braut vill ég fara í lífinu. Eina stundina langar mig til að verða læknir og bjarga mannslífum. Aðra að verða kennari og bjarga vitlausum unglingum frá ræsinu. Stundum langar mig svo að verða stjórnmálamaður og reyna að bjarga heiminum en samt þá fjarlægist sá draumur alltaf fljótt frá mér því að atvinnuöryggið er lítið sem ekkert.

Helst myndi ég vilja gera allt. Mig langar að vera læknir, kennari, stjórnmálamaður, fréttamaður, námsmaður, starfsmaður, verslunarstjóri, byggingaverkfræðingur. Samt kemur einhvern veginn ekki til greina að vinna úti vinnu.

Mig langar að læra svo margt. Mig langar að taka allar brautir í MS. Ég get ekki valið. Lífið er valkvíði. Maður verður að taka ákvörðun, stundum veðjar maður rétt, stundum ekki og þá verður maður bara að taka afleiðingunum -því miður.

Þangað til næst...

Góður er sopinn

2008-02-06T21:20:00.000Z

Er á fullu í því að glósa Eglu, drekka kaffi og hafa það gott á litlu heimaskrifstofunni minni...

Gúfffff

2008-02-05T14:03:00.000Z

Ég stend núna frammi fyrir þeirri erfiðu ákvörðun að velja mér kjörsvið -mjög svo erfiðu. Ég get ekki gert upp við mig hvort ég eigi að fara á hagfræðikjörsvið eða félagsfræðikjörsvið. Helst myndi ég vilja taka báðar. En það er víst ekki hægt :s

Svo er auðvitað annað í stöðunni...skipta um braut og fara á náttúrufræðibraut líffræðikjörsvið en það er samt ekki jafn spennandi.

Hvað á ég að gera. Ég hef farið og talað við námsráðgjafa en það hefur lítið breytt mínu viðhorfi...ég held að ég sé bókstaflega námssjúkur. Ég get ekki ákveðið mig. Mig langar að læra allt :D

Annars þá eru það 50 bls. í dönsku fyrir morgundaginn, kaflapróf í stærðfræði á fimmtudaginn og 40 kaflar í Eglu fyrir föstudaginn.

Góða skemmtun ég...eða ekki :D

Gamla tíð

2008-02-03T23:01:00.000Z

Ég var að skoða geisladiska safnið mitt...sem hefur á að skipa nokkrum stuðmanna diskum, Pottþétt safnplötum og nokkrum öðrum titlum. Hvað haldiði að ég hafi fundið...allt Grease safnið mitt...ég á The Original Soundtrack From the Motion Picture, diskinn með Selmu og Rúnari Frey í aðalhlutverkum og útgáfuna sem Gísli Rúnar Jónsson þýddi sem skartaði þeim Birgittu og Jónsa í aðalhlutverkum... yndislegir tímar...kann fyrri tvo diskana utan að en hef bara einu sinni hlustað á nýjasta diskinn í heild sinni. Við systkinin vorum sko húkt á þessu kunnum diskinn og myndina utan að og þegar við fórum á leikritið áttu þau í erfiðleikum með að hemja mig því ég kunni alla textana utan að og söng auðvitað með...gefið mér smá "sjens", ég var nú bara sjö ára :D

[...]
Ra-ma la-ma la-ma ka ding a da ding de dong
Shoo-bop sha wad-da wad-da yipp-it-y boom de boom
Chang chang chang-it-ty chang shoo-bop
Dip da-dip da-dip doo-wop da doo-bee doo
Boog-e-dy boog-e-dy boog-e-dy boog-ed-y
Shoo-by doo-wop she-bop
Sha-na-na-na-na-na-na-na yip-pit-y boom de boom
Ra-ma la-ma la-ma ka ding-a de ding de dong
Shoo-bop sha wad-da wad-da yipp-it-y boom de boom
Chang chang chang-it-ty chang shoo-bop
Dip da-dip da-dip doo-wop da doo-bee doo
Boog-e-dy boog-e-dy boog-e-dy boog-e-dy
shoo-by doo-wop she-bop
Sha-na-na-na-na-na-na-na yip-pit-ty boom de boom
[...]

Olivia og John

Selma og Rúnar Freyr

góð helgi

2008-02-01T09:13:00.000Z

Próf í jarðfræði eftir hálftíma, mikil pressa, ef bekkurinn nær 6 í meðaleinkunn getum við minnkað efni til stúdentsprófs um einn kafla. Það væri æði.

Annars er þetta byrjun á frábærri helgi, ég þarf reyndar að vinna á morgun og læra á sunnudaginn fyrir næsta próf, en ljósið í myrkrinu, sem skín skjærast er að uppáhaldsfrændur mínir eru að koma í helgarreisu til borgarinnar, úr siðmenningunni á Ísafirði

Vonandi að borgarstjórnar meirihlutinn haldi í þetta skiptið...

Yfir og út...

Þú eina hjartans yndið mitt

2008-01-26T12:50:00.000Z

Sem brottfluttur Ísfirðingur verður maður náttúrulega að halda í ísfirskar hefðir, svo við Sandra Dís, sem er tímabundið flutt inn til mín, skelltum í pönnsur í gær :D Það var æðislegt og gekk meira að segja vonum framan. Bökuðum fimm uppskriftir og við vorum ennþá að þróa þær þegar við skelltum í síðustu uppskriftina.

Reyndar bakaði ég þær...Sandra borðaði þær bara :D

Mig langar svo að fara á skíði, en ég eiginlega nenni því ekki :s svo það er víst lítið annað að gera en að fara að læra smávegis. Framundan eru nokkur próf og ég þarf að vera búinn með nokkuð mikið lesefni fyrir þau :s

En fyrir ykkur sem ekki hafið uppgötvað...lífið er yndislegt :D

Sólrisa í Skutulsfirði

dónaljóð ;D

2007-12-16T23:48:00.000Z

Kertasníkir, Giljagaur,
Gáttaþefur, Stúfur.
Konu sína giljar gaur
gáttir opnar stúfur.

Benedikt Erlingsson

Prófin búin...loksins. Tók stærðfræðina með stæl á síðasta föstudag :D Núna tekur við vinna fram að jólum...reyndar frí á morgun - hitta maju ;D

Best að fara að sofa:

vann bubbles í fimmta skipti núna áðan :D

mhmmm....

2007-12-13T13:03:00.000Z

síðasta prófið á morgun

brjálað veður í nótt

þingfundur á alþingi fram eftir nóttu

ég elska lífið

lífið elskar mig -vona ég

Á laugardaginn hefst svo jólavinna fátæka námsmannsins. Vinna alla daga fram að jólum, fyrir utan næsta mánudag :D

Maja að koma í bæinn (ekki bæinn með "j-i", því það er ekki til)

afmæli mömmu á laugardaginn

skemmtilegt blogg?

Myndin tengist á engan veg þessari færslu. (Ljósmynd: Althingi.is/þingforsetar)

Minning um vin

2007-12-10T19:58:00.000Z

Góður vinur minn lést í gær. Við höfum ekki þekkst lengi...í rúmlega hálft ár, en hans verður sárt saknað. Hann hefur séð mér fyrir nýjustu fréttum frá Ísafirði síðan ég flutti.

COSMIC...þín verður sárt saknað. Það er þó nokkur huggun í því að búið er að opna minningar síðu á léninu www.123.is/cosmic. Það mun aldrei neitt koma í þinn stað í hjarta voru og ég veit að margir eru mér sama sinnis

En yfir í minna alvarleg mál...ég vill þakka öllum sem styttu mér stundir á Ísafirði fyrir skemmtunina :D

Ísafjörður...

2007-12-07T08:28:00.000Z

hér kem ég...

Í faðmi fjalla blárra

Ég vissi það alltaf!

2007-12-05T18:39:00.000Z

http://www.bb.is/Pages/26?NewsID=109121

Gömlu bekkjarsystkini....ég vissi þetta alltaf :D við erum langbest, allavega miðað við frammistöðu okkar í Pisa-könnuninni í fyrra :D

ég sakna ykkar alveg ógurlega mikið :S

Hver man ekki eftir hinni ógleymanlegu ferð yfir Þjófaskörð?

Ert þú á bólakafi í prófum?

2007-12-04T11:32:00.000Z

Tilkynning:

Ertu á fullu í prófum? Áttu erfitt með að halda einbeitingunni við lesturinn? Leikjanet í samstarfi við Í. Pálmason ltd. kynnir nýjan tölvuleik sem hjálpar þér við að ná einbeitingunni aftur til að geta lesið nokkrar blaðsíður í viðbót.
BUBBLES

Já, eða nei annars...það er ekki sniðugt að fara í bubbles þegar maður er í prófum...ef maður byrjar þá er maður í honum alveg þangað til að maður vinnur hann...allavega ég :S Þetta er svona alveg eins og myspace...maður kíkir á einn prófíl, og svo man maður ekki eftir sjálfum sér fyrr en eftir hálftíma...hræðilegt :c

Fyrsta prófið er loksins búið :D Líffræðin...tók hana með stæl, eða vonandi yfir 7 :S

Nú er allt breytt vegna þín...

2007-11-30T19:40:00.001Z

Sit hér einmana
fölur og fár
sit hér leiður og lítill[...]

Hver man ekki eftir þessu broti úr þekktu sönglagi sem leikarar morrans sömdu hérna um árið ;D

Jæja, jólin nálgast...síðasti skóladagurinn minn var í dag og framundan eru fjögur próf, þar af tvö stúdentspróf :D Ég hlakka svo til að fara í þessi próf...það er svo gaman að vera í prófum :D allavega svona í hófi.

En í dag er þrítugasti nóvember sem þýðir að á morgun er 1. desember Fullveldisdagurinn og þá má byrja að spila jólalög og þá má byrja að skreyta...allavega á mínu heimili...reyndar tók ég smá forskot á sæluna áðan og byrjaði að setja jólaseríur í gluggana.

En í tilefni af því að það má byrja að spila jólalög ætla ég að benda ykkur á ótrúlega fallegt lag sem er að finna á 100 jólalög disknum. Það er lagið Ó helga nótt sem Egill Ólafsson syngur ásamt kórum:

Ó, HELGA NÓTT
Ó helga nótt, þín stjarna blikar blíða,
þá barnið Jesús fæddist hér á jörð.
Í dauða myrkrum daprar þjóðir stríða,
uns Drottinn birtist sinni barna hjörð.
Nú glæstar vonir gleðja hrjáar þjóðir
því guðlegt ljós af háum himni skín.
Föllum á kné
nú fagna himins englar,
frá barnsins jötu blessun streymir,
blítt og hljótt til þín.
Ó helga nótt, ó heilaga nótt.

Vort trúar ljós, það veginn okkur vísi,
hjá vöggu hans við stöndum hræð og klökk
og kyrrlát stjarna kvöldsins öllum lýsi,
er koma vilja hér í bæn og þökk.
Nú konungurinn Kristur Drottinn fæddist
hann kallar oss í bróður bæn til sín.
Föllum á kné,
nú fagna himins englar,
hjá lágum stalli lífsins kyndill,
ljóma, fagurt skín.
Ó helga nótt, Ó heilaga nótt.

Texti: Sigurður Björnsson

Ég las í gær skemmtilegustu bók sem ég hef lesið lengi. Það er bókin Afturelding eftir Viktor Arnar Ingólfsson. Hún er mjög spennandi og maður getur ekki rifið sig frá henni fyrr en maður klárar hana :D Að mínu mati er Viktor einn af efnilegustu íslensku rithöfundunum.

Góðan daginn...guð er klukkan orðin svona margt:S

2007-11-25T22:53:00.000Z

Sumir dyggir lesendur þessa vefs halda líklega að ég hafi lagst í bloggdvala...en þar skjátlast þeim:D ég hef nefnilega verið að reyna fyrir mér á nýjum slóðum... www.isakp.blog.is

Já, en ég veit ekkert inn á hvort þeirra ég kem til með að blogga á í framtíðinni:D

En ég er s.s. búinn að vera í brjáluðum prófum síðustu vikuna...átti að vera í fimm prófum þrjá síðustu daga vikunnar en við fengum að flytja eitt þeirra þangað til í fyrrmálið :D sem betur fer enda veit ég ekki hvernig ég hefði lifað þetta af :D

En framundan eru svo lokaprófin :D

Ég þarf að taka fjögur lokapróf og þar af tvö stúdents, í líffræði og landafræði...sem ég á vonandi eftir að rúlla upp ;D Síðan eru það enska og stærðfræði...sem verður fróðlegt að sjá hvernig endar :D

en ég held að ég fari nú bara að sofa núna. Góða nótt lesendur ;D

jólin eru á næsta LEYTI

2007-09-07T22:26:00.000Z

Vá hvað ég er stórborgarlegur :D ég fór í fyrsta skiptið í gær í strætó með nýja strætókortinu mínu :D

En nóg um það. Í dag hljómuðu í eyrum Ísfirðinga fréttir um að vinir okkar og frændur í danska bænum Hróars-keldu hefðu slitið vinabæjar sambandi við Ísafjörð, hvað verður um jólatréið sem þeir hafa alltaf gefið okkur, verður ekkert jólatré kannski :S Hvað verður þá um torgsöluna, niðurtalninguna og kakó og lummur úr tónlistarfélagsgámnum.

Ég ætla rétt að vona það að þessi skemmtilegi siður verði ekki lagður niður, þrátt fyrir að jólatréið verði ekki danskt þessi jólin :(

Ég hef því ákveðið að taka mig til og auglýsi því eftir fyrir hönd Ísfirðinga eftir bæ sem vill gefa okkur jólatré svo við getum haldið áfram þessum gamla sið.

Skemmtileg stemming...ekki satt?

Símaauglýsingin

2007-09-05T19:52:00.000Z

Vá, ég hef ekki verið jafn hneykslaður í nokkurn tíma. Þetta er bara fáránlegt að stórfyrirtæki eins og síminn noti efni biblíunnar til að særa fólk, því það hefur það einmitt verið að gera. Auk þess finnst mér að fyrst að spaugstofan mátti ekki sýna þetta í sínum þætti fyrir nokkrum árum, hvers vegna má síminn gera þetta. Jón Gnarr hugmyndasmiður auglýsingarinnar hefur aldrei verið í sérstöku uppáhaldi hjá mér, og þetta gerði alveg út um hann. Eftir þessa auglýsingu hef ég misst allt álit mitt á honum.

En nóg um það. Það gengur allt frábærlega hjá mér í skólanum, mínum frábæra MS. Það eru frábærir kennarar og skemmtilegir krakkar, en það var nú samt svolítið erfitt fyrstu dagana. En þetta er rosalega mikil vinna, heimavinna upp á hvern einasta dag, sem er samt alveg ágætt. Ég er búinn að fara í tvö próf og skila einu verkefni, og svona til að monta mig aðeins, þá var ég með hæstu einkunnir í mínum bekk í þeim öllum :D Var með 9,5 fyrir lífsleikniverkefni, 8,5 í ENSKU (já þið heyrið rétt gömlu samnemendur í ensku hraðferð) og 7,5 í stærðfræði :D

En mig langar að skila kveðju til allra fyrir vestan...ég sakna ykkar svo mikið. Ég verð að fara að skella mér, ef ég fæ eitthvað gott far kannski að maður skelli sér. Þ.e. ef ég verð ekki að vinna í Hagkaup...

þangað til næst...ekkert stress, verið hress, bless :D

Þessi mynd er ekta :D tekin í Brautarholti við Skutulsfjörð :D

Stórborgarbúinn

2007-07-19T18:08:00.000Z

Eins og sönnum stórborgarbúa sæmir hef ég ákveðið að notast í meiri mæli við almenningssamgangnakerfið, sem að mínu mati er alveg stórgott, þó svo að það mætti fjölga ferðum, þó svo að auðvitað sé spurning um hvort að markaður sé fyrir það.

En fyrstu kynni mín af strætisvögnunum voru ekki alveg svo góð. Ég var að fara frá heimili mínu á Kópavogsvöll á landsmótið sem var haldið í Kópavogi. Ég náttúrlega algjör sveitalubbi, en ég vissi nú samt hvað skiptimiði var, en ég áttaði mig ekki fyrr en of seint hvernig ætti að nota hann, enda hef aldrei tekið strætó áður í stórborg. Þegar ég var að fara út úr strætónum ætlaði ég að biðja vagnstjórann um skiptimiða, en svarið sem ég fékk frá þessum gamalgróna starfsmanns Strætós var að maður ætti að biðja um miðann þegar maður borgaði. Ég bað náttúrulega manninn vel að lifa, en sagði um leið og ég gekk út við hann nánæst orðrétt:

,,Það er nú ekkert verið að beygja reglurnar fyrir þá sem eru að fara í fyrsta skipti með strætó, og mér þykir það ekki skrýtið að nýtt fólk byrji ekki að taka strætó fyrst að þjónustan væri svona."

Og þar við sat, ég gekk í burt frá manninum sem sat við sinn keip áfram eins og ekkert væri. Það var nú kannski ekki skrýtið að þessi maður lyfti ekki brúnum yfir þessum viðbrögðum mínum, enda leit hann út fyrir að hafa unnið hjá þessu fyrirtæki óralengi og ég gæti best trúað að hann væri gróinn fastur við stólinn.

En ég er ekkert að velta mér uppúr þessu og held ótrauður áfram að taka strætó þess á milli sem ég ferðast á hjólinu mínu hérna um bæinn :D

En ég er að spá, ætti ég að skipta og færa mig yfir á Mogga bloggið, það er svolítið freistandi að geta skrifað þar, og komist í moggann ef maður skrifar vel :D Deilið ykkar skoðun á því.

Allta að fara til andskotans!

2007-07-09T14:14:00.000Z

Já það eru sko orð með sönnu, því að með því að minnka kvótann á næsta fiskveiðiári var rekið dómshögg á byggðirnar á Vestfjörðum, Snæfellsnesi, á Suðurnesjum og á Austurlandi. Hvað á fólkið að gera sem missir vinnuna, varla finnur það sér nýja vinnu fyrir vestan. Eftir nokkur ár verða Vestfirðir líklega orðnir að eyðibyggð, enda er ekki lengur þjóðhagslega hagkvæmt að reka þá eins og hefur nú þegar skýrt komið fram í fjölmiðlum. Það er þó líklega sjávarplássunum að þakka hvar þjóðin er stödd í dag, með ríkari þjóðum heimsins.

En fólkið sem áður vann í fiskinum, hvað á það að fara að gera. Varla fær það vinnu hjá Ísafjarðarbæ, í þessum störfum sem voru auglýst þar og krefjast öll háskólamenntunar. Samt var bæjarstjórnin að hreykja sig af þessum störfum. Það vantaði kennara og þar fram eftir götunum, en ég held að það hafi alveg sýnt sig að það hlaupa ekki allir úr frystihúsunum í kennslu.

En mig langar að senda Jónu Ben vinkonu minni baráttukveðjur, það var leiðinlegt að geta ekki hitt þig á Úlfljótsvatni þegar ég fór þangað í heimsókn. En skátar, takk fyrir æðislega skemmtun á laugardagskvöldið ;D Og Jógvan þú varst góður :Þ

Dagbókarfærsla væntanleg !!!

2007-07-03T23:20:00.000Z

A morgun er von a nýrri dagbókarfærslu og vonandi bíða þessir þrír óþreygjufullir eftir þessari langþráðu færslu...

En vel á minnst, hvað er þetta 11. ágúst? Ég bíð spenntur...

Meira af mér :D

2007-06-21T23:22:00.000Z

Mér til mikillar ánægju opnaði ég netumsóknina mína um framhaldsskóla til að sjá hvernig henni liði... og ég fékk þær upplýsingar að ég er kominn inn í Menntaskólann við Sund...

Síðan fór ég í gærkveldi að skoða umhverfið í kringum skólann og komst að því að það tekur 5 mínútur að hjóla þangað, en samt er húsnæðið og umhverfi skólans ekki það flottasta sem ég hef séð :s en húsnæðisvandi er búinn að vera stærsta vandamál skólans enda deilir hann húsnæði með Vogaskóla.

En eins og þeir sem eru vel læsir og eru góðir í lesskilningi sáu, þá hjólaði ég á nýja hjólinu mínu í skólann. Það vildi þannig til að það var gámasala á hjólum í versluninni GÁP á hjólum af gerðinni Mongoose sem eru víst mjög góð hjól. Það kom sér sannarlega vel að hafa hlotið viðurkenningu Ísfirðingafélagsins á skólaslitum Grunnskólans á Ísafirði, enda dugði peningurinn fyrir hjólinu, lási, brettum og auðvitað hjálmi. Hefur þessi gjöf komið sér mjög vel fyrir mig, enda er ég búinn að nota hjólið óspart, fer hjólandi í vinnuna á morgnana, sem tekur mig 4 mínútur og svo er ég alltaf að skreppa eitthvað. Það er líka svo gott við það að búa hérna í Reykjavík það eru hjólastígar út um allt og maður getur hjólað hvert sem er og maður er laus við allar umferðarteppur og allt. Svo auðvitað mengar maður svo miklu minna ef maður notar hjólið heldu en að keyra hvert sem maður fer.

Síðan fór ég á sautjánda júní í Hafnarfjörð á tónleika, svona hefðbundna sautjánda júní tónleika. Þar komu fram nokkrar hljómsveitir og þar á meðal hljómsveit sem er í miklu uppáhaldi hjá mér eftir heimsókn þeirra í Grunnskólann fyrir tveim árum. Þarna er ég auðvitað að tala um stórdúettinn Hundur í óskilum. Ég elska þá. Þeir eru svo skemmtilegir á sviði. Þar voru náttúrulega samankomnir allir Hafnfirðingar og nýhafnfirðingurinn Helena bekkjarsystir mín lét ekki sitt eftir liggja. Það var svo gaman að hitta hana.

Maja og Andrea takk fyrir skemmtileg samtöl, það var gaman að heyra í ykkur :D

Ef þið Ísfirðingar vinir mínir eigið leið í bæinn einhvern tímann þá verðið þið að athuga að ég er oft í stemmingu til að kíkja á kaffó...

En tíundu bekkingar... allavega þið sem eruð búin að fá svar um hvaða skóla þið farið í, í hvaða skóla farið þið? Setjið það í skoðanir :D

En við sjáumst, skjáumst eða jafnvel bara heyrumst...

Ykkar Ísak :D

Flóttamaður í borg óttans

2007-06-19T23:34:00.001Z

Núna er maður svona nokkurn veginn búinn að koma sér fyrir hérna á nýja heimilinu. Það er svolítið skrýtið að búa í Reykjavík, því þegar ég vakna á morgnana finnst mér eins og ég sé í fríi í Reykjavík, fríi frá Ísafirði. Enda hefur það aldrei verið annað á döfinni hjá mér en að koma aftur vestur, vonandi bara sem fyrst og vonandi endanlega. En eins og atvinnuástandi í fjórðungnum er núna er það ekki fýsilegasti kosturinn í stöðunni, því að þó svo að fyrir rúmum ellefu hundruð árum hafi öll vötn legið til Dýrafjarðar, svo ég leyfi mér að vitna í Véstein Vésteinsson. Það er svo sannarlega sárt að sjá þetta gerast. En vonandi er ekki of seint að grípa í taumana þó svo að flest bendi til þess.
Það kom mér nú samt mjög mikið á óvart hvað það var léttara að kveðja bæinn því ég hafði ímyndað mér að það ætti eftir að verða óbærilegt og ég ætti eftir að lifa margar andvökunætur, grátandi yfir hlutkesti mínu og fjölskyldu minnar út í lífið. En ég leit á þetta sem tækifæri til að kynnast nýju fólki og læra eitthvað nýtt. Það var samt átakanlegt þegar ég fór í síðasta skiptið göngutúr í bæinn til að kveðja fólkið sem fyrir bar, og fara í síðasta skiptið, allavega í bili og stimpla mig út úr samkaup.
Leiðin suður gekk þó ekki átakalaust fyrir sig. Það var eins og landvættir okkar Vestfirðinga hefðu ekki vilja missa þetta fólk sem var að flytjast hreppaflutningum úr fjórðungnum. Á niður leið niður af Þorskafjarðarheiði stöðvuðu þeir för okkar, það sprakk dekk. Það var því svolítið táknrænt að það skildi springa á nákvæmlega þessum stað enda ekki langt í Gilsfjörðinn sem markar skil á milli Vesturlands og Vestfjarða og vorum við því alveg að renna burt hinsta sinn frá kjálkanum sem við öll unnum svo mikið. Enda hefðum við fyrir tíu árum, vel stæð fjölskyldan og fyrir vinnurnar á heimilinu í góðum vinnum, ekki trúað því að á þessum degi værum við að flytjast burt.
Það var svo daginn eftir að ég kom til borgarinnar alkominn að ég hóf störf hjá stórfyrirtæki, þangað sem að hver landsmaður að meðaltali leggur leið sína tvisvar í mánuði. Það er að segja í verslunina þar sem að Íslendingum finnst skemmtilegast að versla. Þar hóf ég störf í matvöru og á kassa, en staldraði stutt við í þessum deildum. Enda eftir að hafa sýnt hvað í mér býr og kunnáttu mína á verslunum fékk ég fljótt stöðuhækkun og er núna orðin Allýin í Hagkaup (Samkaupsgrín), þ.e.a.s. í grænmetinu. Svo alltaf á kvöldin þarf ég að loka salatbarnum og þrífa hann, sem er alveg ágætt, enda er þetta vel launað. Ég vinn á tólf tíma vöktum frá klukkan 8 til rúmlega 20, en samt er ég eiginlega búinn að prófa flestar deildir matvörunnar í Skeifunni. Þ.e. ég er eiginlega svokölluð deildahóra, eða er í því að leysa af í öðrum deildum ef þarf.
Fyrir utan vinnuna hef ég ekki gert neitt mikið nema aðallega sofa, enda tekur virkilega á að vinna á tólf tíma vöktum næstum alla daga.

En Elma og Borghild þið verðið að fyrirgefa að ég skildi svíkja ykkur á þjóðhátíðardaginn sjálfan, en síminn minn er í viðgerð og ég er búinn að vera farsímalaus frá því að ég kom. En vonandi getum við bara hist einhvern tíman seinna á kaffihúsi. En þetta er kannski engin afsökun því að ég hefði náttúrulega getað reynt að ná sambandi við ykkur með öðrum hætti. En þið verðið að fyrirgefa.
Atli í féló, hérna eru smá skilaboð til þín. Þú verður að fyrirgefa að ég kom ekki að kveðja þig, verða að hringja í ykkur við tækifæri í frístund. Það var þannig að ég var búinn að vera að bíða eftir ykkur og þegar þeir komu þá fórst þú strax eitthvað svo ég ákvað að kveðja bara hina því ég þurfti að fara í vinnu.
En krakkar þið vitið ekki hvað ég sakna ykkar mikið. Ég vænti þess að fá fullt af skoðunum við þessu bloggi og svör við þessum spurningum:
Eru fjöllin enn á sínum stað?
Bragðast sælurnar jafn vel og venjulega?
Bakar gamla bakaríið ennþá Ísafjarðar-kringlur?

Vonandi á ég eftir að vera duglegur við að blogga á þessari “nýju” síðu minni og vonandi haldið þið í vonina um það og haldi áfram að heimsækja hana. Þangað til næst...

Ykkar Ísak
-flóttamaður og deildahóra

Uppgjör fyrsta ársfjórðungs

2007-03-18T22:52:00.000Z

Jæja, kallinn bara ekkert búinn að vera að standa sig í þessu...og margir alltaf að minna hann á það :s Ég hef ákveðið að gera upp fyrsta ársfjórðunginn með þessu bloggi og ætla að reyna að standa mig betur í þessu...

Janúar
Jújú, árið byrjaði með sínum vanagang, þó svo að skotglaðir Ísfirðingar hafi ekki verið jafn skotglaðir og fyrri ár. Á fyrsta degi þorra var þorra blótað af tíundubekkingum grunnskólans á Ísafirði, kennurum og aðstandendum.

Febrúar
Vinna, vinna, vinna...Samkaup minn ástkæri vinnustaður átti hug og hjarta mitt þennan mánuðinn og ég man ekki eftir neinu stórvægilegu, nema auðvitað söngkeppni vestfjarða sem haldin var á Hólmavík, þar sem Sigurður okkar Erling kom sá og sigraði og ástirnar mínar Sunna og Agnes urðu í þriðja sæti.

Mars
Fyrstu helgina í mars hélt ég ásamt mínu fríða föruneyti burt úr bænum. Ferðinni var heitið til Reykjavíkur þar sem Sigurður sigurvegari Söngkeppni Vestfjarða átti að taka þátt í Söngkeppni Samfés...það er náttúrulega ekki frá sögu úr færandi að Siggi VANN ekki. Sömu helgi fékk ég einnig að sjá í fyrsta skipti með berum augum framtíðarheimili mitt (allavega næsta sumar, hver veit hvað gerist eftir það :s ja, ekki veit ég það). Síðan gerðist sá stórmerkilegi atburður að Félagsmiðstöð Ísafjarðar fékk loksins framtíðarheimili og var hún opnuð með pompi og prakt, og hefur hún verið óspart notuð af grunnskólanemum, þósvo að nokkurrar óánægju gæti með veru Dægrardvalar, lengdar viðverubarna á yngsta stigi skólans, en hún samnýtir húsnæðið með Félagsmiðstöðinni og heftir starfsemi hennar heilmikið. [það sést ekki greinilega hvar ég stend í þessu máli, allavega ekki miðað við það sem stendur hér að framan] Svo hef ég bara verið að vinna og vinna og vinna í mínum yndislega vinnustað Samkaup.

Svo er það auðvitað árshátíðin G.Í. sem var á fimmtudag og föstudag í síðustu viku, þar var auðvitað mjög skemmtilegt, og persónulega þótti mér flottast hvernig atriðin hjá 7. bekk voru inn á milli atriða hjá hinum. Samnemendur takk fyrir skemmtunina. Að lokinni seinustu skemmtuninni á föstudagskvöldið var svo hið margrómaða árshátíðarball, sem var að mér fannst mjög skemmtilegt, en hefði mátt vera lengra.

Svo er nú skemmst frá því að segja að ég kann að taka upp í hljóðverinu í nýju félagsmiðstöðinni. Gaman af því. Fór á námskeið ásamt fleirum hjá honum Hálfdáni sem var í hljómsveitinni Nois ef ég man rétt. Ef þig vantar að láta taka þig upp þá tek ég 3000 kall á tímann, síminn minn er 8473901 ;D

Það er skrýtið að vera að fara að flytja eftir að hafa búið alla ævi á sama stað. Ég hélt að þegar ég flutti úr Móholtinu að ég myndi aldrei lifa það af en ég tóri enn, svo ég hlýt að spjara mig í Reykjavík, þó svo ég ætli að reyna að vera fastagestur á Ísafirði :D (þið losnið ekki svona auðveldlega við mig, öll frí og allar helgar :D).

Að lokum vil ég votta þeim samúð mína sem um sárt eiga að binda vegna sjóslysins aðfaranótt miðvikudagsins síðastliðinn. Það er ótrúlegt hvað svona atburður þjappar manni saman og það sýnir manni sannarlega hvað það er gott að búa í svona litlu samfélagi eins og Ísafjörður er.

Minning um Þórey Guðmundsdóttur

2007-01-23T07:38:00.000Z

Ég lét þessa minningu um Þóreyju inn á minningasíðuna hennar www.fif.fi/torey þegar ár var liðið frá því að hún lést í hræðilegu slysi á Hnífsdalsvegi 19. janúar 2006:

Þá er liðið heilt ár síðan leiðir okkar skildust elsku Þórey...ég trúi því ekki hvað þessi tími hefur verið fljótur að líða. Það hefur ekki liðið sá dagur án þess að ég hugsi um þig, hversu falleg og góð þú hafir verið og ég hef verið að reyna að læra af þér. Eftir að ég byrjaði að vinna í Samkaup hef ég reynt að vera alltaf brosandi eins og þú varst alltaf. Brosandi og svo ánægð, sama hvað gekk á.

Ég man eftir síðasta deginum sem ég hitti þig. Það var á þriðjudeginum fyrir slysið. Ég var á leiðinni í skólann, Þórir hafði fest bílinn sinn í Fjarðarstrætinu og þú varst sest undir stýri og hann var að ýta en það keyrði alveg fullt af fólki framhjá ykkur og stoppaði ekki einu sinni til að hjálpa. Þórir kallaði í mig þegar ég var að koma framhjá ykkur og ég hjálpaði ykkur að ýta. Ég man eftir því þegar við vorum búin að losa bílinn og þið buðuð mér að skutla mér í skólann og þú brostir svo fallega til mín. Ég man alltaf eftir þessu brosi þínu.

Síðan daginn sem slysið varð þá frétti ég niðri í bæ að það hefði orðið slys á leiðinni út í Hnífsdal. Ég vonaði svo heitt og innilega að það hefði ekkert alvarlegt komið fyrir. Síðan þegar ég frétti að það hefði verið mjög alvarlegt þá vonaði ég að það hefði ekki verið neinn sem ég þekkti. Þegar ég var síðan á leiðinni heim var pabbi að koma úr útkallinu og hann tók mig uppí. Á leiðinni sagði hann mér að það hefði orðið banaslys og hann var mjög alvarlegur. Þegar ég kom heim þá fór pabbi að tala við mömmu í eldhúsinu og ég settist við tölvuna og ég fór að hlusta á þau og pabbi sagði að það hafðir verið þú sem hefir dáið, þá fór mamma að gráta. Ég fór að tárast og skildi ekki afhverju stelpan með fallega brosið hafði verið tekin svona fljótt frá okkur.

Eins og ég sagði hérna áður þá hefur ekki liðið sá dagur að ég hugsi ekki um slysið. Í hvert skipti sem ég hugsa um þig dettur mér alltaf í hug þessi lagbútur......when I think of angelsI think of you...Megi minning Þóreyjar Guðmundsdóttur lifa í hjörtum okkar um ókomna framtíð. Þórey, ég mun alltaf muna eftir brosinu þínu, sem þú brostir til mín síðasta skiptið sem ég hitti þig...

Vertu nú yfir og allt um kring
með eilífri blessun þinni,
sitji guðs englar saman í hring
sænginni yfir minni.
- Ísak Pálmason 19/01/07 07:38

Tími á blogg hvað...hehe c,')

2006-07-20T17:49:00.000Z

Ég
Berglind og Sandra Dís
Séð út rauðasand
Andri frændi og Elena
Litla frænka dóttir Örnu og Bærings

Jæja jæja langt síðan síðast...

Hérna sit ég heima hjá systur minni í Safamýrinni í Reykjavík og hef það náðugt. Veðrið úti er gott, sólin skín og vart sést ský á himni hitinn er mikill í skjólinu en á meðan hafgolunnar varir er ekki hægt að kvarta undan of miklum hita.

Ég lagði land undir fót á föstudaginn fyrir viku. Þá var leiðinni haldið til Örlygshafnar við Patreksfjörð gegnt Vatneyri. Þar hélt hin rómaða Kollsvíkurætt ættarmót sitt í Félagsheimilinu Fagrahvammi. Á laugardeginum fórum við í fjallgöngu með hluta úr ættinni frá Brekku á Rauðasandi og yfir í Keflavík þar sem langafi og langamma bjuggu. Þaðan fóru flestir á bílum yfir í Örlygshöfn, en við fjallageiturnar Berglind, Sandra Dís, pabbi og ég, héldum af stað gangandi yfir heiðina milli Keflavíkur og Örlygshafnar þar sem afi minn gekk sjö ára gamall ásamt foreldrum sínum sem voru að bregða búi og flytjast að Efri-Tungu í Örlygshöfn. Ekki leið á löngu þar til pabbi heltist úr lestinni því mamma keyrði niður veginn til Keflavíkur sem er illfær og við hugsuðum með okkur að hún myndi ekki þora að keyra upp eftir aftur svo pabbi ákvað að verða eftir og keyra bílinn upp. Svo við héldum þrjú af stað. Ekki frekari sögum um það nema að við komumst heilu og höldnu til Örlygshafnar að nýju þó svo að sumir væru farnir að óttast um okkur.

Að kvöldi laugardags borðuðu allir saman og að loknu borðhaldi voru skemmtiatriði. Þar tróð upp Bjarkargötu sextettinn sem er skipaður mér og nokkrum öðrum afkomendum Árna og Jóhönnu frá Bjarkargötu 6. Þar sungum við Krumma svaf í klettagjá í þríundarsöngi við mikinn fögnuð viðstaddra, en þakið ætlaði að rifna af húsinu þegar við byrjuðum síðan að rappa lagið. (Katerína og Elma ;D )

Síðan keyrðum við til Reykjavíkur fjölskyldan. Pabbi fór að vinna og ég, mamma og Sara þræddum allar verslanir Reykjavíkur á meðan við biðum eftir erfingjanum. Það var síðan á föstudaginn að við fengum fréttir um það að Arna mágkona og Bæring bróðir hefðu farið á fæðingardeildina klukkan sjö um morguninn. Síðan um þrjúleytið fengum við þær fréttir að þau hefðu eignast stúlkubarn.

Síðan þá hef ég þrædd allar verslanir Reykjavíkur aftur, en á morgun rennur stóri dagurinn upp...þá mun ég fljúga út til Bretlands með vinum mínum og við erum að fara á vegum Ud. Hafstjarnan í útivistar og námsferð til Teesdale. Kannski skelli ég bloggi á þar úti ef ég kemst í Internet samband.

Þangað til næst verið hress, ekkert stress, bless

Jæja kominn tími á blogg...

2006-06-10T23:53:00.000Z

huuummm

Síðustu daga hef ég verið að vinna og það enga aumingja vinnu...ég er búinn að ver að mála, teppaleggja og þrífa nýju morraaðstöðuna til að morrinn geti hafist á mánudaginn...en já þá byrja ég aftur í aumingja vinnunni ;) ekki taka þessu illa...

Síðustu helgi varð pabbi gamli fimmtugur :D já já kominn á gamals aldur ;D...við áttum að vera í fermingu hjá honum ægi frænda mínum á afmælisdaginn hans pabba þannig að við héldum bara upp á afmælið á snæfellsnesi...nánar tiltekið á Gufuskálum (massastaður Gufuskálar, risa raðhús sem maður getur fengið lánuð). Ægir á sko heima í Ólafsvík og það tekur kortér eða eitthvað að keyra þar á milli. Já þangað komu fullt af vinum pabba og mömmu og síðan á miðnætti aðfaranótt 4. júní komu öll systkini pabba og afi og amma öll í mis annarlegu ástandi og óskuðu honum til hamingju með afmælið :D...

Það var mjög gaman að hitta allt fólkið aftur sem maður hefur ekkert séð síðan í fyrra sumar :D

Núna áðan fór ég í hjólatúr...var óggsla duglegur...hjólaði inn í fjörð og upp í gegnum hverfið yfir brúna hjá vegagerðinni og inn í skóg og þar labbaði ég smá um...síðan hjólaði ég útí bæ og reyndi að hjóla upp allar brekkur sem ég fann :D...það var mjög gaman. Á leið minni um "heiðardalinn" (Tungudal) þá fór ég að hugsa hvort málið væri ekki bara að skella sér að horni með Berglindi og Hagalín og co í sumar... byrja að æfa sig og svoleiðis...og ég hef tekið þá bjargföstu ákvörðun að fara :D vonandi verður enginn fúll

Í vikunni fór ég í útkall inn í djúp með björgunarsveitinni...mitt fyrsta útkall um ævina...við fengum boð um útkallið klukkan 23 og fórum niður í guðmundarbúð fórum svo inn í Hestfjörð. Þar vorum við alla nóttina og vorum að týna upp fiska. Ég kom heim hálf tíma fyrir vinnu og mætti í hana ferskur og mér leið síðustu tvo tímana eins og ég væri sofandi og mig væri að dreyma það sem ég var að gera...enda ekki skrýtið búinn að vaka í 31 tíma án þess að sofna...

Síðan kom ég heim og fór að sofa. Um kvöldið fékk ég boð um að koma að hjálpa til við að bera húsgögn og borðbúnað fyrir sumarhótelið.

Í gær kvöld sofnaði ég klukkan 7...var að horfa á mynd og sofnaði yfir henni(týbískt ég og ættmenni mín) og ég svaf til klukkan níu í morgun. Í fyrramálið ætla ég að drífa mig í eina æfingargönguferð...í Naustahvilt eða upp með Buná.

Núna er ég alveg að sofna enda ekki skrýtið eftir að hafa talað svona mikið um svefn í þessari dagbókarfærslu minni 8-

Síðasta kvöldið mitt sem 9. bekkingur :D

2006-05-29T21:42:00.000Z

já á myndinni hérna fyrir ofan eru frænkur mínar æðislegu Guja og Ása :D flepp

Jæja þá er það enskupróf í fyrramálið og svo fríííííííííí...mhmmmm

En ég fer í langþráða heimsókn til frændsystkina minna í Ólafsvík á föstudaginnn :D...Ægir frændi er að fara að fermast...og svo verður pabbi gamli fimmtugur og mamma vildi endilega fara í sumarbústað yfir helgina þannig að ég verð í sumarbústað rétt hjá Ólafsvík...

í dag hef ég lítið gert sem og síðustu daga...pabbi var heima yfir helgina og fór í dag að vinna í Rvk. Með honum komu Eggi og Stína vinafólk okkar...það var hreint út sagt fínt...

Ég er algjörlega kominn út af efninu mér þykja svona dagbókarblogg ekki skemmtileg...mér finnst skemmtilegast að lesa svona hugleiðingar...mér bara einhvern veginn tekst ekki að skrifa um annað en mitt tilbreytingasnauða líf...en allir endilega að "kommenta" á góðri Íslensku...

Ég held barasta að ipod sé málið bara?...

3/6

2006-05-24T19:37:00.000Z

Ég elska lífið...lífið er æðislegt. Ég er að deyja úr spennu fyrir prófunum...vá hvað mér finnst það gaman að fara í próf (ég vil benda á það að þetta er ekki kaldhæðni)...þegar maður er búinn með lokaprófin þá kemur sumarfrí...ég vona svo heitt og innilega að ég komist inn í morrann...

En já ég er bara búinn að vera svona að gera ekkert á daginn nema að ég er búinn að vera að gera nýtt útlit á heimasíðu morrans fyrir Önnu Birtu...www.morralingar.blogspot.com.

Á föstudaginn síðastliðinn var svo venjulegur skóli og Samfélagsfræðipróf...sem ég btw. sofnaði þegar ég átti að vera að læra fyrir prófið daginn áður og skeit síðan feitt á mig í prófinu :S . Á mánudaginn var svo íslenskupróf svona feitt létt líka marr. Síðan í gær var haldinn aðalfundur nemendaráðs GÍ. og að þeim fundi loknum stærðfræði próf sem var ágætt...samt ógeðslega langt...en ég hafði það af.

Síðan fórum við í morgun í Haukadal á slóðir Gísla Súrssonar og fengum leiðsögn um dalinn...vá hvað þetta umhverfi heillaði mig...það er bara eitthvað í Dýrafirði sem er svo fallegt...síðan segja allir að vestfirðir séu allir eins...ég er ekki sammála mér finnst fjöllin í dýrafirði mikið fallegri en á Ísafirði :D. Þegar við vorum búin í göngutúrnum (sightseeing-inum) borðuðum við nesti og héldum heim til Erlu bekkjarsystur minnar og þar biðu okkar veitingar...samlokur og heitt kakó...þar voru ekki bara við heldur líka vinabekkurinn okkar 2. bekkur...takk fyrir móttökurnar Alla og Sigmundur :D...

Þá læt ég þetta gott í bili myndin sem fylgir með er af hópnum fyrir framan húsið hennar Erlu.

Kveðja Ísak Pálmason
Formaður Nemendafélags Grunnskólans á Ísafirði ;D

Just vote for your hero

2006-05-17T21:00:00.000Z

Já þá er formannsslagurinn hafinn í Grunnskólanum...ég hef ákveðið að bjóða mig fram undir kjörorðunum TraustÁrangurReynsla.

Í síðustu viku var ég veikur í þrjá daga :( sem var ömurlegt og ég var veikur akkurat á versta tíma því ég þurfti að klára þrjú verkefni fyrir þessa viku. En ég er búinn með tvö af þeim og ég á eftir ritgerðina í samfélagsfræði. En þetta reddast.

Síðan fór ég á helginni með starfsmannafélagi Gámaþjónustunnar inn í Reykjanes (Hagalín maðurinn hennar Berglindar frænku vinnur í Gámó) þar fórum við að sjálfsögðu í...SUND...auðvitað...og það nokkuð oft. Við fengum góðan kvöldmat. Í forrétt fengum við fisk í brauði...annað hvort steinbít eða þorsk man ekki hvort og síðan var súpa. Í aðalrétt var fyllt kjöt og svínakjöt *vatn í munninn*. Í eftirrétt var svo ísterta og ís í kramarhúsi fyrir yngri börnin. Daginn eftir fórum við í gönguferð með pabba hans Binna afró...sem var mjög fræðandi og skemmtilegt. Mér fannst æðislegt að vera þarna þó svo að ég hafi verið svolítið hræddur þegar ég fór að sofa því mér var sagt að það væru draugar á ganginum hjá okkur. En já Addý var þarna að vinna og ég gat aðeins talað við hana og við fórum í göngutúr og svona... :D takk fyrir skemmtunina þið sem voruð þarna :D og takk fyrir frábærar móttökur Jón Arnar og Kata :D

Já svo á meðan ég var veikur fékk ég sms frá Gerði í Glitni um að mín biði glaðningur í bankanum. Mamma fór og sótti glaðninginn sem ég hélt að væri eitthvað svona bolur eða húfa...nei nei það var hvorki meira né minna en iPod nano. Já já núna getur karlinn farið að hlusta á almennilega tónlist.

Í dag gengum við mamma inn í fjörð og fórum á markað frá GK í Reykjavík í Ljóninu...snilldar markaður. Ég keypti mér jakkaföt sem áttu að kosta 40.000 kall takk fyrir. Þau eru svört ógeðslega flott...ég elska jakkaföt...ég ætla að safna þeim þegar ég verð eldri :D

Lokaball á föstudaginn veit ekkert hvar það verður og ekki neitt þó svo allir séu að spyrja mig...í guðanna bænum ekki spyrja mig ég veit ekki neitt um þetta :D

Evróvisjon á morgun og á laugardag...ég veit ekkert hvað ég geri...ætli ég verði ekki bara heima á morgun en síðan feitt partý á laugardaginn...

En ég kveð í bili, best að far að gera ritgerð í samfó. Þangað til næst verið hress, ekkert stress, bless :D

Læra, læra, læra borið fram með morrahreim

2006-05-08T22:27:00.000Z

Já, já. Það eru víst ekki bara 10. bekkur að fara í próf í náttúrufræði á morgun...því er nú ver...ég var að læra áðan fyrir þetta blessaða kaflapróf úr 8. kafla sem er btw. mjög erfið og leiðinleg bók :@ Eruð þið ekki sammála mér...endilega kommentið hjá mér...það eru nú ekki margir sem hafa enn gert það :D...

Heilsubætandi mengun :S

2006-05-07T22:21:00.000Z

Ég var úti á kvöldgöngu með móður minni kærri og af einskærri tilviljun var ég með myndavélina mín í farteskinu. Þegar ég var á leiðinni heim neðan úr bæ rak ég augun í átt að Funa og sá þar reykjarmökkinn stíga upp úr honum og í logninu lagðist hann svona snyrtilega yfir dalbotninn í Engidal...síðan þvertaka bæjarstarfsmenn og bæjarfulltrúar fyrir að reykurinn sé mengandi...þó ég sé ekki menntaður maður í þessum málum þá áætla ég að þessi reykur sé allavega ekki til heilsubatnaðar fyrir íbúa bæjarfélagsins...

Ég kveð að sinni og endilega kíkið á http://www.grunnavik.is/ og farið á undirsíðuna "fréttir" ef þið opnið fyrstu fréttina þá getið þið séð myndir frá því þegar við vorum að matta Ramónu í dag...

Mhmmm...

2006-05-07T21:27:00.000Z

Hvað er betra en sund á suðureyri *íhugun* mhhmmm...

En já góðverk dagsins gerði ég í morgun...ég fór og hjálpaði honum Frigga vini hans pabba ásamt nokkrum öðrum vöskum unglingadeildarmeðlimum. Við vorum að matta nýja bátinn hans...sem er btw engin smásmíð geðveikt flottur...gangi þér vel Friggi með nýju Ramónu :D ...

Síðan eftir það þá fórum við og leigðum okkur klukkutíma í sundlauginni á Suðureyri...bara við ein í sundlauginni ;D

Góðverk dagsins...

2006-05-06T22:28:00.000Z

Já já Ísak byrjaður aftur að blogga...veit kannski ekki á gott :D

En já ég ákvað að reyna að byrja að gera að minnsta kosti eitt góðverk á dag...þessa ákvörðun tók ég fyrir nokkrum dögum og hef reynt að framfylgja því...

Góðverk dagsins gerði ég náttúrunni...ég týndi upp flöskur við Íþróttahúsið og lét í poka til að fara með í dósamóttökuna.

Myndina sem fylgir með tók ég nú rétt í þessu út Skutulsfjörð í átt til Sléttu í Jökulfjörðum held ég :S...

Annars er bara lítið að gera hjá mér...í dag fór ég og krúsaði allar kosningaskrifstofur bæjarins og sníkti barmmerkin góðu og penna þar sem þeir voru til :D...síðan núna í nótt munu frændur mínir tveir Birkir og Elvar sofa hjá mér því foreldrar þeirra yfirgáfu þá til Reykjavíkur á sýninguna Perlan Vestfiriðir...En annars varðandi þessa sýningu þá frétti ég nú bara ekki af henni fyrr en ég vissi að þau væru að fara á hana...ég sem hélt að ég fréttaóði maðurinn sem veit allt um alla ;D ætti að fá að vita svona með margra mánaða fyrirvara...hehe...

En góða nótt og njótið því litla sem er eftir af sólarhringnum :D